2012/02/16

For my dear friends :)



日子原來真係過得好快。
係我從來無考慮與計算之下,匆匆忙忙,原來已經迎黎你地最後既日子。

快活不知時日過。

過埋最後既日子,已經唔會再係呢個校園內見到你地著住校服同我地一齊玩既身影。
唔會再有「小明火車」、
唔會再有「邊個伸隻腳出黎就踩」遊戲、
唔會再有「幻想麻雀」
唔會再有「無啦啦玩排斥」 遊戲
唔會再有「收埋人地既野」遊戲。

其實人真係大得好快,尤其是當離別既時候,你更會體會到,轉眼間,身邊已經有咁多人陪住你成長過。
無論你曾經喜歡過的、曾經討厭過的、曾經取笑過的、曾經厭倦過的、曾經打鬧過的,
一切一切,其實原來都好值得好懷念。

老實講。
呢次並唔係我離開學校……
其實我知我好語無論次,因為喊緊。
我真係無好好計過日子,突然有人同我講原來last day只剩下八日。

我知會再係校園見到你地。
你地會再次著住校服登上禮堂,接受證書。
但已經唔係無無聊聊hea住過,嗌打鐘、嗌放學既日子。

諗起都覺孤獨。

其實,我感覺到呢幾日既lunch算係特別開心,但真係最後既lunch黎。
我知,我知最後,但我無估到原來只剩下八日。
係咪我太蠢,唔識數日子?
定其實我潛意識上根本唔想數。

我好後悔自己無數,數住起碼唔使接受惡耗接受得咁快。

原來心理準備好重要。



其實人唔捨,唔會有得。

時光荏在後,大概會疏離。
係無法避免,亦都唔需要作假安慰既事實。

只係,我好慶幸,係我仲有得hea住過日辰、日日唔交功課、逃課、走去打波、上堂訓晒覺、成長過程中既呢啲日子,我既回憶上有你地既存在。

無法回頭走,只有向後望,但要向前走。
我會好好珍惜回憶中既一堆白痴。

好想好想再白痴落去。
好想好想唔再長大。

我寧願繼續比人鬧,比人捉,其實都仲想留係呢段時光。

我想。



天真無邪既時光,終完迎來終結。
就像很久以前,年輕不懂事,等衝過頭後才發現,青春的重要。






還記得這段片嗎?
都已經,變成五年了:)







總是還未說出一句謝謝,就開始撒嬌,
直到今天,
走到這里。








吵架的時候、打電話的時候、哭泣的時候,都曾經有過。
那些曾經煩惱的過去,不知為何如此懷念。
喜悅也好、悲傷也好,如果回頭展望這路程。
不論何時自己都不是孤單一人。
回想起來的每個瞬間都是美好的。




謝謝,謝謝你們總是在我身邊。
謝謝,謝謝你們和我們一起成長。
謝謝,謝謝一直縱容我的你們 :)

謝謝,然後,加油。

努力邁向你自己決定的未來,我在你們的背後支持著你們。
加油。

雖然只有文字,一定不足夠表達我所想。
但還是……

謝謝。



去吧 我會永遠珍惜你 直到下世紀



沒有留言:

發佈留言