重陽上山頂。

2011.10.06 :)

多謝Tina、yyt、vicky wong真係陪我癲！
重陽節上山頂，為左食雪糕:D

多謝你地呀朋友！
tina講一講就發現，咦，原來真係「歷城記」班底！笑了！

呢張相影得我好靚，靚到嚇一驚（笑）。

突然發現，原來我同CMC個班人既作息時間真係同普通學生好唔同。
可能因為打波既關係，平時都打到好夜先返到屋企。
又可能因為我地幾個由初中就已經係打波打到球場熄燈，然後仲要係隔離公園hea幾粒鐘，hea到凌晨兩、三點先肯返屋企咁，但其實第二日要返學咖啵！
唔使返就會仲過份，四、五點先「散band」。
再加上有可能係體力較一般人好，又或者習慣左，即使家陣聽日要返學，但仲出到十二點幾街都無乜問題。

同佢地既作息真係好唔同……





－

今日有人問我有無拍拖。

其實我好想搵人講下「你」。
但諗深一層，講又有乜用？
反正你都唔係到，而我又繼續沉迷落去，結果都係不外如是，一早已心知。

然後有位人兄除左我隻戒指，見到「hin」呢三隻字。
佢問我係咪送比我既人。
係。但係又如何？
已經係曾經。
但呢隻戒指我會留低，並唔係為左紀念曾經。
而係為左紀念一段比我利用得心甘情願，且虛假得你我心知肚明既一場愛戀。
呢段愛戀，係真實存在過；而情感就係虛無，純粹係單方面。

留低，只係為左我既歉意。
直到現在，我依然內疚。

－

在這個不停有意外的世界，只能過一天算一天。
想了一整夜，我不回你不回，
沒有辦法改變、不改變。